- Storia -

   U TEATRINU Cumpagnia cunvenziunata da a CTC è a Cità di Bastia hè natu in lu 1989 incù a creazione d'un Caffè-Teatru, carrughju Cesare Campinchi in Bastia. Sviluppà è sparghje u teatru in lingua corsa hè u scopu di u Teatrinu.

À l'inniziu ci eranu Jean Jacques Gil (Théâtre 196), Jo Fondacci (La Chrysalide) è Guidu Cimino (A Cumpagnia di l'Olmu). Dopu sò ghjunti l'altri chì anu arricchitu U TEATRINU.

Da 89 à oghje sò state parechje e creazione è numerosi i scontri. Unu di i più impurtanti ghjè quellu cùn Daniel Pariggi è a creazione di I STORTI (FR3)

U Teatrinu dà ancu corsi d'arte dramaticu pè i maiò è i zitelli (Impruvisazione, Testi classichi è oghjinchi, scrittura è cantu).

U TEATRINU participeghja à i Scontri Internaziunali d'Olmi Cappella incù R. Renucci è hà travagliatu cùn Mario Gonzales, Pierre Viale è René Loyon.