- L'Opera da tre soldi -

     L'OPERA DA TRÈ SOLDI hè creata da U TEATRINU u 23 di ghjennaghju in 1998 à u Teatru Municipale di Bastia cù un successu cusì tremendu chì bultulò l'universu teatrale corsu. U venneri 23 di ghjennaghju, à 9 ore è quartu di sera, schjupponu in tutti i carrughji intornu à u teatru para piglia è teni tremendi. Quelli c'ùn anu avutu biglietti volsenu furzà e porte di u teatru. A calmata hè ghjunta ver di mezanotte, quandu u Prefettu dede l'assicurànza d'un'altra riprensentazione di l'Opera un pocu più tardi. U lindumanne funu stampati nantu à zucche viote i testi di i canti. Isse zucche so state vendute à millaie à i turisti imbesgialiti. L'attrice chì ghjucava à Polly diventò a zitella a più tenuta cara di Bastia.

ACCURTATOGHJU PER QUELLI C'UN CAPISCENU MAI E PER QUELLI CHI SO SEMPRE IN RITARDU :

PROLOGU : Ci hè a festa, cantanu è unu spiega.

ATTU I - Scena 1 : Pichjò tomba e mosche. Scena 2 : Manghjanu, beienu è fumanu. Scena 3 : A zitella si ne vole andà ma canta.

ATTU II - Scena 1 : Ghjè una scena d'amore, ci hè ancu un lettu ma ùn si vede nunda. Scena 2 : Ghjè ind'è e puttane, si vede appinuccia. Scena 3 : Mackie ghjè in carcera è e zitelle si letiganu

ATTU III - Scena 1 : E puttane volenu i soldi è a pulizza vole u caffè. Scène 2 : Si sò appaciate e zitelle è manghjanu. Scena 3 : Volenu tumbà à Mackie, dopu ùn lu tombanu più è cantanu.

RISTRETTU DI U RISTRETTU : Manghjanu, beienu, fumanu, scorrenu e zitelle è cantanu..

Quelli chì ghjocanu : Mackie, Henri OLMETA - Ghjuvà Pichjò, François BERLINGHI - Celia Pichjò, Marie Ange GERONIMI - Paulina Pichjò, Graziella SANTUCCI - Brunì u Tigru, Eric MATTEI - Lucia, Jeanine MARANINCHI - A banda : Ghjacò Manetta, Jo FONDACCI - Matteu Falzone, Guy CIMINO - Jimmy, JB FILIPPI - Rubertu a Sega, Claude DONGRADI - Walter u Sordu, Antoine LUGO - E Puttane (buuu quante !) : Jenny, Fabienne MARCANGELI - Prima puttana Christine REY - Seconda Puttana Paule OREL - Terza Puttana Véronique GABRIELLI - Quarta Puttana Yvette MEDORI - Quinta Puttana Jeanine MARANINCHI - I Circataghji : Anghjulu, Pierre FONDACCI - Circataghju 1 Antoine LUGO - Circataghju 2 Claude DONGRADI - Circataghju 3 JB FILIPPI - Prete Cimbalu, Jacques FILIPPI - Pulizzeru 1 Antoine LUGO - Pulizzeru 2 Claude DONGRADI - Quellu chì passa JP GIUDICELLI

A l'Urganettu, Elena PAOLI, Acconciu musicale Lucien FERRERI, Vestiti, Simone GRIMALDI - Ida DION DELOBRE, Decori, JA PROVOST - OPERATA, Lumi, Alain POISSON, Sonu, Stephane GIANECCHINI, Messa in Scena, U TEATRINU.